പണ്ടാരോ പറഞ്ഞു..

     

പണ്ടാരോ പറഞ്ഞു.. അമേരിക്കയിലൊക്കെ കുടിവെള്ളം കുപ്പിയിൽ കിട്ടും, അതിനു കാശ് കൊടുക്കണം..!

അതു കേട്ടു നമ്മളൊരു ചിരി ചിരിച്ചു; എന്നിട്ട് നമ്മള്‍ ചിന്തിച്ചു.. കുടിവെള്ളം കുപ്പിയിൽ,, അതും കാശ് കൊടുത്ത്...! ഹ..ഹ..ഹ..

വര്‍ഷങ്ങള്‍ക്കിപ്പുറം പണ്ടത്തെ ചിരിയൊക്കെ മറന്ന് കുപ്പി വെള്ളം കാശ് കൊടുത്ത് നമ്മളിതാ ഒരു മടിയും കൂടാതെ വാങ്ങി കുടിക്കുന്നു..

പിന്നെ ആരോ പറഞ്ഞു ഇഗ്ലണ്ടിലൊക്കെ പ്രായമായ  മാതാപിതാക്കളെ പാര്‍പ്പിക്കാന്‍ വൃദ്ധസദനങ്ങളുണ്ട്..!
നമ്മള്‍ അപ്പോഴും ചിരിച്ചു.. സ്വന്തം മാതാപിതാക്കളെ പാര്‍പ്പിക്കാന്‍ വൃദ്ധസദനങ്ങളൊ.? ഹ..ഹ..ഹ..

വൈകാതെ നമ്മുടെ നാട്ടിലും വൃദ്ധമന്ദിരങ്ങള്‍ ഉയര്‍ന്ന് പൊങ്ങി.. ചിരിച്ചതൊന്നും നമുക്ക് ഓര്‍മ്മയെ ഇല്ല..!!

ഇപ്പോ ഇതാ കേള്‍ക്കുന്നു.. ചൈനയിലേ ഏതോ ഒരു ഹോട്ടലിൽ ശുദ്ധവായു കിട്ടണമെങ്കില്‍ കാശ് കൊടുക്കണം..!!

നമ്മള്‍ ചിരിക്കുകയാണ്..
അതേ പഴയ ചിരി...!!

